Экотуризм
в Республике Беларусь

Прыходзяць часта к нам
                       хваробы —
I мы пад пахай грэем ртуць.
А ў вёсцы
          бацьку-хлебароба
Яны, на шчасце,
не бяруць.

Па полі слотны вецер войсае,
Ганяе хмары
            цэлы дзень —
А ён, расхрыстаны і босы,
Па лужах восеньскіх ідзе.

I п'е нагбом
             з палеткаў голых
Гаркавы пастушыны дым,
I робіць на хаду уколы
Яму іржэўнік малады.

I так салодка патыхае
Вільготна-чорная ралля.
I слухае яго дыханне
Сівая доктарка —
                  Зямля.

Генадзь Бураўкін