Экотуризм
в Республике Беларусь

Мы пільней пазіраем на рэкі
I з дэльфінамі падружылі.
Лес нам дорыць
                        найлепшыя лекі:
Мы прыродзе яшчэ не чужыя.

Садзім клёны
                      і мальвы ля хаты,
I вядзе праз усе непагоды
Караблі чарадзейны лакатар —
Набліжаемся да прыроды.

Прызямляемся на парашутах,
Пагружаемся ў цёмныя воды,
Вывучаем бусловы маршруты —
Набліжаемся да прыроды.

А калі хто наважыцца,
                                      горды,
Чалавека стварыць у прабірцы,
Сам адлучыць сябе ад прыроды
I не здолее ў заўтра прабіцца.

Згінуць нормы усе і законы,
Паімчымся па іншай арбіце...
Богам стаць, далібог, рызыкоўна!
А прабіркі пакуль што не біце.

Пімен Панчанка, 1973